करडई : एकात्मिक व्यवस्थापन

मावा

किडीचे नाव	किडीची ओळख व नुकसानीचा प्रकार	एकात्मिक व्यवस्थापन
मावा	मावा अर्धगोलाकार आणि मृदू शरीराचा असून, शरीरावर पाठीमागच्या बाजूस दोन शिंगे असतात. माव्याची पिल्ले गडद तपकिरी रंगाचे असतात. प्रौढ मावा काळया रंगाचा असतो. पंख असलेल्या माव्याची जास्त संख्या प्रादुर्भाव होण्याच्या सुरुवातीस आणि पिकाच्या शेवटच्या अवस्थेत असते. मावा त्याच्या सोंडेव्दारे झाडातील अन्नरस शोषण करतो म्हणून झाडाच्या वाढीवर अनिष्ट परिणाम होउन उत्पादनात लक्षणीय घट येते. याशिवाय मावा आपल्या शरीरातून साखरेसारखा चिकट पदार्थ बाहेर टाकतो.	हंगाम संपल्यानंतर शेतातील काडीकचरा वेचून नष्ट करावा. उन्हाळयात जमिनीची नांगरट करावी जेणेकरुन जमिनीतील किडींचा नाश होईल. प्रतिकारक्षम वाणची पेरणी : पेरणीसाठी भीमा, कुसुमा, शारदा (बीएसएफ-१६८-४) किंवा पीबीएनएस-१२ या मावा व मर रोगास मध्यम प्रतिकारक्षम असलेल्या जातीचा वापर करावा. करडईची पेरणी लवकर केल्यास (सप्टेबरच्या शेवटच्या आठवडयापासुन ऑक्टोबरच्या पहिल्या आठवडयापर्यत) या पिकावर मावा किडीचा प्रादुर्भाव कमी राहतो. पेरणीस जसाजसा उशीर होतो तसा माव्याचा प्रादुर्भाव वाढत जातो. नत्रयुक्त खतांचा अतिरिक्त वापर करु नये. ५ टक्के निंबोळी अर्काची फवारणी करावी. घाटेअळीचे व्यवस्थापनासाठी एचएएनपीव्ही २५० एल.ई प्रति हेक्टरी फवारणी करावी. रासायनिक पध्दती §  मावा : डायमिथोएट ३० ईसी १० मिली किंवा अॅसिफेट ७५ एसपी ८ ग्रॅम प्रति १० लिटर पाण्यात मिसळुन फ़वारावे.
घाटेअळी / बोंडअळी	पीक लहान असतांना अळया पाने व शेंडे खातात. बोंड धरल्यावर अळी त्याला छिद्र पाडून आतील दाणे खाते.
गुझीया सोंड	प्रौढ कीटक लहान भुंगे–या प्रमाणे असून त्यांना अखुड सोंड असते. त्याचा रंग काळपट अथवा मातीसारखा असतो. अळी तसेच सोंडे बी पेरणीनंतर बाहेर पडणारा अंकुर खातात. तसेच ही कीड रोपांच्या मुळांना इजा पोचविते आणि जमिनीलगतच्या रोपांचा भाग कातरुन टाकते. म्हणून रोपे वाळतात.