हरभरा : एकात्मिक व्यवस्थापन

घाटे अळी

जमिनीलगत खोड कुरतडणारी अळी

किडीचे नाव	किडीची ओळख व नुकसानीचा प्रकार	एकात्मिक व्यवस्थापन
घाटे अळी	हरभरा पिकाशिवाय कापूस, हरभरा, सोयाबीन, वाटाणा, मूग, उडीद, सूर्यफुल, करडई, ज्वारी, टोमॅटो, भेंडी इत्यादी पिकांना नुकसान पोहचविते. हरभ­यावर लहान लहान अळया सुरुवातीला कोवळी पाने, कळया व फुले कुरतडून खातात. शेवटी घाटे लागल्यानंतर अळया घाटे कुरतडून त्यास छिद्र पाडून डोके आत खुपसून आतील दाणे खातात.	मशागतीय पध्दती उन्हाळयात जमिनीची खेाल नांगरट करावी. आंतरपिक अथवा मिश्रपिक अथवा शेताच्या सभोवताली दोन ओळी जवस, कोथिंबीर किंवा मोहरी या  पिकाची लागवड करावी. मुख्य पिकाभोवती झेंडू या सापळा पिकाची एक ओळ लावावी. शेत तणविरहीत ठेवावे. यांत्रिक पध्दती पिकावरील मोठया अळया वेचून त्यांचा नाश करावा. इंग्रजी ‘टी’ अक्षराच्या आकाराचे ५० पक्षी थांबे प्रति हे. लावावेत. घाटेअळीच्या सर्वेक्षणासाठी प्रति हेक्टरी ५ कामगंध सापळे लावावेत. जैविक पध्दती ५ टक्के निंबोळी अर्काची फवारणी करावी. घाटे अळी लहान अवस्थेत असताना एच.ए.एन.पी.व्ही. ५०० एल. ई. विषाणूची प्रति हे. फवारणी करावी. रासायनिक पध्दती घाटेअळी : क्विनालफॉस २५ ईसी २० मिली किंवा इमामेक्टीन बेंझोएट ५ एसजी ४ ग्रॅम किंवा क्लोरॅनट्रानीलीप्रोल १८.५ एससी 3 मिली प्रति १० लिटर पाण्यात मिसळुन फ़वारावे. जमिनीलगत रोप कुरतडणारी अळी : क्लोरपायरिफॉस २० ईसी २० मिली प्रति १० लि. पाण्यात मिसळुन खोडाभोवती आळवणी करावी.
जमिनीलगत खोड कुरतडणारी अळी	अळया काळपट तपकिरी रंगाच्या असतात. अळयांना स्पर्श करताच अंग आखडून घेतात व गोलाकार होतात. प्रौढ पतंग २५ मि.मी. लांब असून त्याचे पुढील पंख तपकिरी रंगाचे तर मागील पंख पांढरट रंगाचे असतात. हा किडीची अळी निशाचर असते, त्यामुळे ती दिवसा जमिनीत राहते व रात्री बाहेर येऊन जमिनीलगत रोपांना कुरतडते. तसेच अळी पानावरही उपजीवीका करते.